CHANCHINBU RETREAT NEIH A NI

~ H. Lalbiaknunga, Asst. Editor

Dawrpui Vengthar YMA Chanchinbu enkawltute intuaitharna (retreat) chu ni 27th June 2013,  7:30 PM khan YMA Committee Room (YMA HALL) ah neih a ni a, member te an kal \hain hun hlimawm tak hman a ni. Thu \ha tak takte leh infuihna thute ngaihthlak a nih bakah refreshment tui tak leh thilpek inhlannate neia hun hman a ni.

Pu H.Lalthanhlira, Editor, Chairman ni bawk chuan kalkhawmte lawmna a sawi zawhah tawngtaiin hun a hawng a. Nl. HP Lalhmangaihzuali'n \anna hun a hmang a, programme \an nghal a ni a.

INTRODUCTION : A hmasa berin memberte inhriattawnna hun hman a ni a, he hun hi YMA Chanchinbu tan a mi pawimawh leh kan Goliatha Tv. P Lalthangmeka, Jt. Editor chuan dangdai tak leh hlimawm takin a huaihawt a, mahni bul \heuhva \hute chanchin kan sawi diat diat a, a huaihawttu in a phalzau bawk a beng a fahin a ngaihnawm hle .Kan OB i/c Pu KCa paw’n Korean hmingte a lo nei thlap mai a, tin, Branch Fin Secy. Pu Tluangtea pawh Pu Luaia'n a lepse hneh hle mai! President Pu Zuala meuh pawh a hlimin a nuih a za ve ngang ni tur a ni a kiai suk mai. Nuihna tur leh kutbenna tur a inkahpukchaw zut a ni ber mai.

HRIATTUR PAWIMAWH HRIATTIRNA HUN : Chairman chuan he hun hmang tur hian Production Manager leh Treasurer ni bawk Pu V. Lal\hazuala chu a sawm a, a ni’n hriattur pawimawhte lehkha a ziak chu semin thusawina a nei nghal a, kalkhawmte chu taima leh rinawm tak a khawtlang tana rawngbawl tur leh chanchinbu lama an mawhphurhna \ha lehzual a hlen turin tehkhinthu \ha tak takte nen kalkhawmte a chah a, a hlawkthlak in a tangkai hle.

REFRESHMENT : Refreshment tuihnai tak (special sawhchiar) Pu Jimmy-a and co.pvt.ltd-te chuan an buatsaih a, tlai leh puar tak a ei ho a ni a. Dawhnawn zel theih a nih avangin Cir. Manager Tv. Engsanga paw’n plate 3 a dawh hnuah vawi 2 chiah a dawh leh..

THUSAWI TAWI : Chairman chuan a duh a piang tan thusawina hun a hawng a, Tv. T. Lalchhanhima, News Editor chuan \halaite leh tunlai khawvela thilthleng chanchin te, sualna huangtau zia leh \halaite fimkhur a \ulzia  ngaihnawm takin a sawi a. Branch OB-te a\angin Fin. Secy. Pu Tluangtea'n tawi si, kim si , fiah siin  zuk leh hmuam leh ruihhlo chi hrang hrang laka inthiarfihlim \ulna leh pawimawhna te a sawi bawk a. A tawp berah Branch President Pu Zuala'n Chanchinbu pawimawhna leh \angkainate sawiin, a buaipuitute thawhho \hat a \ul ziate leh khawtlang tana rawngbawlna a inthlahdah ngaitheilo tak a nih ziate sawiin kal khawmte a fuih bawk.

THILPEK HLAN : Programme tawp berah Pu KC Lalzamlova OB i/c in member te hnen ah Pen Drive 4GB hlanna hun a hmang a, hun a hman zawh ah Chairman kaihhruaina a  Lal Tawngtaina sawi rualin kan \in ta a ni.