TUALCHHUNG

• Pu J. Laldawngliana, Bial 3-na chu ni 14.6.2013 zana a hnathawk bang haw lam Zarkawtah Bike in a su a, a keah suin In lamah a rawn haw phawt a, X-ray tura tih a ni.
• Pi Lalliani, (Tv. Zawntea nu) Bial 1-na chu in lamah an la inenkawl chhunzawm zel.
• Pu Zonunmawia, Bial 1-na chu hun engemawchen Aizawl Damdawiin a an inenkawl hnu in June ni 12 khan damdawiin a\angin an lo chhuak.
• Np. Lalruathlua (Hlutea) (Pu Siliana tupa) Bial 2-na, nikum December ni 8 a Delhi a inenkawl tura kal chu tun thleng hian an la inenkawl zel a, kar hmasa lam khan a thling te thlak niin High Chemo nen an la inenkawl mek zel a ni.
• Damlo kan tarlan tawh, Pu T. Thangluaia f/o Pu Robert Malsawmtluanga, Asst. Leader, Bial 4-na pawh in lamah an inenkawl chhunzawm zel.
• Np. Joseph Lalrempuia s/o H. Lalthanhlira, (Editor), Bial 3-na pawh a tonsil-na leh khawsik avangin tunkar chhung khan in lamah an inenkawl. 
• Kan Chanchinbu News Editor leh Bial 4-na Leader ni bawk, Pu C. Lalropuia chu kar kalta lam khan hritlang khawsik avangin in lamah a inenkawl a, a ziaawm viau tawh e. 
• Pu Lalremruata Ralte, Branch Executive member leh YMA Chhang President ni bawk chu tunlai hian hritlang khawsik avangin in lamah an inenkawl mek.
• Tv. Lalchhuanawma, Branch Executive member pawh hritlang khawsik avangin a inenkawl mek bawk.
• Lo haw: Tv. Lalhruaizela s/o Rev. C.Chanwgliana, Bial 1-na chu Chennai a\anga M.Tech. 1st class a pass in ni 8.6.2013 khan a lo haw a, July thla hian Bangalore lamah Cisco System company a hna thawk turin a kal leh ang.
• Nl. Vida Zorempuii d/o Vansawmliana leh Nl. Sainunsangi Zote (Mimitei) d/o Dr. Saihlira te pawh Bangalore-a Nurse hna an thawhna a\angin an lo haw bawk.
• Hna hmu thar: Tv. Jason L. Renthlei s/o Pu R. Lalchhuanvawra, MPS, Bial 3-na chuan RIPANS-ah Consultant (Management) hna a hmu thar a. Amah hi MBA (Marketing), Punjab Technical University a\angin 1st Class-ah a pass a ni. Branch YMA zaipawl member nilai mek a ni bawk.
• Fakawm: Pu Saizela, Bial 1-na chuan ama pawisa a hlawhfa pali ruaiin Presbyteerian School thlang hnawk chu a tihfai tir. Helai tihfai hi Bial 1-na hruaitute hmachhawp mek a nih avangin hetianga veng tana mi inpe in hma a lo la hi Bial hruaitute chu an lawm hle a ni.
• Taxi lei: Pu TN Vanlal\ana, Bial 1-na chuan ni 12.6.2013 khan Taxi a lei thar.
• Naute thar: Pi Lalengkimi w/o Pu H. Lalthantluanga, Bial 5-nate chuan ni 12.6.2013 khan fapa thar duhawm tak BN Hospital, Kulikawnah an nei thar.
• SAY Sunday: Vawiin hian SAY Sunday hman a ni dawn a, Hnuchham Inah \anpuina pek tura ruahman a nih bakah chun leh zan lamah programme hlimawm tak hman tura ruahmanna siam a ni.