TUALCHHUNG

• Tv. Lalhmingmawia s/o Pu Lalremsanga, Bial 5-na chu KTP Group hnatlang an neihnaah a ke a chhun palh a, Casualty-ah kalpui a nih hnuah a hliam a nat deuh avangin Aizawl Civil Hospital-ah admit a ni a, enkawl mek a ni.
• Pu Sang\huama, Bial 3-na chu pumpui ulcer avangin in lamah an inenkawl mek.
• Nl. Lalremmawii (Mabuangi), Bial 4-na chu Awmv>l avangin in lamah an inenkawl mek.
• Pi Thangpuii w/o Pu Gina (L), Bial 4-na chu khawsik leh taksa chak lo avangin in lamah enkawl mek a ni.
• Pu Thanhlira, Bial 5-na chu tunlai hian Oxygen-te pe in, in lamah an inenkawl mek.
• Pi Hlutei w/o Pu R.Lalrinzuala, Bial 5-na chu kal \hat lohna avangin Vellore ah inentir turin ni 16.6.2013 khan an kal.
• Pu H.Zosangliana, kan Editor hlui, tuna Zotlang a awm ta chu tunlai hian a chau zual hle nia hriat a ni a,  Thawhlehni lo awm tur (25.6.2013) hian a fapain nupui a neih dawn bawk avangin kan \awng\ainaah hre tlang ila.
• Naute thar: Pi Lalruatpuii w/o Pu Lalrinawma, Bial 4-nate chuan ni 21.6.2013 (Zirtawpni) khan fanu duhawm tak an nei thar.
• Kawng siam : Vaivakawn to Bazar Bungkawn Road chu tunlai hian siam\ha tura ruahmanna a kal mek a ni.
• Kaisang : Pi C.Thankungi w/o Pu C.Thangchhuana, Bial 1-na chu May thla khan Sister a\angin Nursing Superintendent ah a kaisang.
• Zin : Pu Laldinliana, Local Council Chairman chu a fapa zirna lam buaipuiin Kalimpong lamah a zin a, a awmloh chhung hian Local Council Vice Chairman, Pu Vanlalhruaia’n charge a la rih a ni. 
• Zaipawl hla zir : Ni 21.6.2013 zan khan Pu Rokhuma Hlate hmanga intihsiakna neih tur atan Branch YMA Zaipawl-te chuan hla an zir leh.
• DVSC : Ni 22.6.2013 (Inrinni) zing khan Dawrpui Vengthar Sporting Club-a Badminton Team-te chu Olympic Day Run-ah an tlan a, infiammite’n an hlut hle a ni.
• Seminar : Ni 22.6.2013 (Inrinni) nileng leh vawiin chawhnu leh zanin hian Dawrpui Vengthar Presbyterian Kohhran chuan Kristian Chhungkaw seminar neiin, Synod Family Guidance & Counselling Centre a\anga lokalte’n zirtirna an pe a ni.