YMA DAY REPORT

                                           ~ P. Lalthangmeka, Secretary,
                                   2013 YMA Day Celebration Committee

    Dawrpui Vengthar Branch YMA chuan kum 2013 YMA Day lawmna Programme chu June ni 15, 2013 (Inrinni) khan Joint YMA Field, Aizawl-ah khawtlang huapin hlawhtling takin kan nei a ni.
    YMA Day a kan senso phuhruk nan hian Lucky Ticket siam niin ` 17,450/- lai hlawhchhuah a ni. June ni 8, 2013 (Inrinni) zingkarah thlanmual tihfai hnatlang neih niin mi 200 chuang lai kan thawkchhuak a. YMA OB mual liam tawhte thlanah Flag tar a ni bawk a. Ni 14.6.2013 zanah kan veng chhunga damlo mi 13 kan an ni bawk.
    June ni 15 ah YMA Day lawmna pui ber, nileng programme chu zing dar 9 ah Bial 2-na leh Bial 5-na te’n Football khelin bul an \an a. Hemi zawh hian Opening Function neih nghal a ni. Programme hi Pu Lallianzuala, Branch President-in min kaihruaia a, Bial inchhiarna neih niin inchhiar lai hian mi 400 chuang zet kan kalkhawm tawh a, a hnua lo kal zawng zawngte nen chuan DAY hmangtu hi mi 700 vel zet kan ni.
    Inchhiarna neih zawh a nih hnu hian Pu Vanlalzuiliana, Sr. Adviser chuan YMA Day hi Hot leh hlimawm takin a hawng a, Pu Pauvunga leh Pu S.Lalthantluanga ten \awiawmin member kalkhawmte min tihlim hle.
    YMA Zaipawl ten thiam takin Opening Song an sa a, Cultural Committee ten Cheraw Bu 4 (Cultural Committee in Bu 2, YMA Chhang lamin Bu 2) an entir bawk a, kalkhawm te kan mit leh beng a tlai hle.
    Hemi ni hian Zai tura kan sawmte zingah Nl. Jenniferi Vanlallawmawmi, Nl. Zairemkimi leh Nl. Vanlalremruati ten kan sawmna ngaipawimawhin zai mawi tak takin min awi a, zaithiam kan ti hle.
    YMA Day ti hlimawm leh nuam tu tak pakhat chu Exhibition Match kha a ni. United for God ten ‘Theme Song’ nen inbuatsaihna \ha tak neiin an lo penchhuak a, Inkhel hmuhnawm tak min entir a, United for God te’n chakna an chang ta a ni.

     Intihsiakna hrang hrang result
Inchhiarna
1st    :    Bial 5-na
2nd    :    Bial 4-na
3rd    :    Bial 1-na
Ketaminu Race
1st    :    Bial 4-na
2nd    :    Bial 1-na
3rd    :    Bial 2-na
Inbawlvawm
1st    :    Bial 3-na
2nd    :    Bial 1-na
Football
1st    :    Bial 2-na
2nd    :    Bial 3-na
Lungden
 1st    :    Bial 3-na (Lalhmingmawia)
 2nd    :    Bial 4-na (Rova)
 3rd    :    Bial 2-na (Dedea)
Insuknawr
 1st    :    Bial 1-na (Lalrawntlinga)
 2nd    :    Bial 3-na (Vanlalneia)
Mizopa Sairawkherh perh
 1st    :    Bial 4-na (Pu Tharmawia)
 2nd    :    Bial 5-na (Vala)
 3rd    :    Bial 3-na (Mapuia)
LTP
 1st    :    Bial 2-na (Lalhriatpuii)
 2nd    :    Bial 5-na (T.Lalhriathlui)
 3rd    :    Bial 3-na (Apuii Sailo)
FINAL RESULT
 1st     :    Bial 3-na (Point 100)
 2nd    :    Bial 4-na (Point 90)
 3rd    :    Bial 1-na (Point 70)
               Bial 2-na (Point 75)
               Bial 5-na (Point 60)

    Heng bakah hian YMA Chhang te pualin Ball petluh leh Bawlvawm te buatsaih a ni bawk a. Kalkhawm ten kan chaw fun \heuhte \hetin Buhchangrum leh Sa tui takin kan \heh ho va. Closing Function hi DAY Celebration Committee Chairman, Dr. Thangzadinga’n min kaihruai a, Lucky Ticket vawr leh lawmman semnate neih zawh a nih hnuin lungawi takin 2013 YMA Day chu kan hmang zo ta a ni.