YMA Bial 3-na:

Infuihtharna Hun Tluang Taka Hman A Ni

       July ni 16, 2013 (Thawhlehni) zan dar 7:30 khan YMA Indoor Stadium-ah YMA Bial 3-na huamchhunga \halaite chuan infuihtharna hun \ha tak an hmang a, Bial Secretary report-a a landanin, Bial 3-na huamchhungah hian YMA member - 404 (Nu - 81, Pa - 103, Nl. - 116, Tv. - 102) an awm a ni.
    He hun a “Chhiatni leh kan mawhphurhnate” tih thupui hmanga thusawitu, Pu Vanlalzuiliana, Br. Sr. Adviser chuan, “Chhiatni leh YMA hi inzawm tlat a ni a, YMA member kan nih chuan chhiatnia lan loh hi thil inhmeh lo tak a ni,” a ti a. Sawi chhunzawmin, “Mitthi lumen zanah nulate tan p^wn ler chuh a mawi lova, inchhung luh nghal chat tur a ni, chutiang bawkin taima taka zai hi miten an hmuhhmaih ngai lo.  Phaiah hun rei vaklo lehkhazir emaw thildang tiin emaw kan han awm bo ve a, kan lo hawin Khawhar Hla thiam lovin kan lo haw fo, nu leh pate thlirna a\ang phei chuan Khawhar Hla thiamlo nula tlangval nih hi thil zahthlak tak a ni. Mitthi buhfai khawn chungchangah, Bial hruaituten chanchinbu leh lehkha hmanga an hriattir chung pawha mitthi buhfai khawn \ha peihlo nula kan awm a nih chuan kan inenlet a \ul hle ang,” a ti bawk. “Veng danga an chin loh, kan vengin kan tih chu khawhar ina Nula thingpui sem hi a ni. Kan vengah chuan nulaten thingpui an sem \hin, thingpui sem tur nula an awm loh chuan Nulate mualphona a ni. Tin, thingpui in-na no ruak sengfel leh kawngah bengvar kan chhuah a ngai bawk.
    “Tlangvalte, thlanlaih nachang hrelo, lumenna chang hre bawk lo engemawzat kan vengah kan la awm, mite hian min hrelo emaw kan tih lai hian min hre kar a ni. Thlanlaihnaa ‘titi’ kuit \hak pawla telve hi a mawi lova, chutiang bawkin lumen zana \ul bik vang ni lem lova pawn lama awm kuit \hak pawh a mawi lo. YMA hruaitu zawk ten pawn lam kan chuh tlat \hin hi a theih chinah insiam\hat kan ngai. Zualko  au a nihin a phusa pawlah tel \heuh tum ila, a hmei a pain \an ila thar leh teh ang u,” a ti bawk.
   

“Khawtlang inrelbawldan leh YMA inkaihhruaina” tih thupui hmanga thusawitu, Pu Lallianzuala Branch President chuan, “Khawtinah YMA hi din ngei ngei tur tih thuchhuah emaw tihluihna a awm lo, amaherawhchu veng/khaw pangngaiah chuan a ding zel thung a ni,” a ti. Khawtlang inrelbawlna kawnga dan leh hrai lekkawh kawngah YMA ten thuneihna a hranin a nei lova, amaherawhchu veng/khua \hatna tur erawh chuan ‘ngenna’ a siam fo \hin a ni. NGO-te hi pawl zahawm tak an ni a, khawvelin a ngai hlu em em a ni. NGO aia ngaihhlut leh dah pawimawh erawh khawvelin a nei a, chu chu Voluntary Organisation hi a ni. Inpekna, mahni tana hlawkna pakhatmah awmlo pawlte hi mipuite tan a hlu em em a,YMA hi Voluntary Organisation a nih avangin a zahawmin, khawvelin a ngaisang hle a ni. YMA zahawmna chhawm nung zel turin YMA memberten nasa zawkin \an la ila, kan khawtlang himna tur leh \hatna turin ke i pen zel ang u,” tiin kalkhawmte a chah a ni.