TUALCHHUNG

• Pu Laldawngliana, Bial 1-na chu ni 17.7.2013 (Nilaini) khan Aizawl Civil Hospital-ah a pumpui zai a ni a, damdawi inah enkawl mek a ni.
• Pi Lalthanpari w/o Dr. R. Lalauva, Bial 2-na chu kaw\halo leh luak avangin Bethesda Hospital-ah ni 17.7.2013(Nilaini) khan admit a ni a, enkawl mek a ni.
• Pi C. Lalengliani w/o Pu Pahlira, Bial 5-na pum lam \halo avanga Aizawl Hospital-a awm chu Thawhlehni khan dam takin a lo chhuak. 
• Innei: Lalrinsiami d/o Pu R. Thangvuka, Bial 4-na leh Lalthantluanga  s/o H. Neihthanga te chu ni 19.7.2013 (Zirtawpni) khan Hnahthial Bazar veng Baptist Kohhran Hall-ah an innei.
      F. Lalrinpuii d/o Lalrindika (L) leh Lalruatsanga s/o PC Daniela-te chu ni 20.7.2013 zing khan Khatla ‘S’ UPC (NEI) Biak In-ah an innei.
• Zin: Rev. C.Chawngliana, Bial 1-na chu Field Committee nei turin nimin (20.7.2013) khan Karbi Anglong leh Tripura lam panin a zinchhuak.
• Naute thar: Pi K. Lalrinzuali w/o Pu Robert Lalbiaksanga, Bial 3-nate chuan fanu thar duhawm tak kg 3 a rit, Aizawl Civil Hospital-ah an nei thar.
• Seminar-ah Pu P. Lianzama : Ni 18&19 khan Central YMA leh PUC Mizo Department \angkawpin an buatsaih, National Seminar on Mizo Language : Contemporary challenges and Prospect, CYMA Hall-a neihah kan branch aiawhin Pu P. Lianzama, Asst. Leader, Bial 3-na a tel a. He seminar-ah hian Aizawl khawpui chhung YMA Branch a\angin aiawh pakhat \heuh leh zirna In tina Mizo department zirtirtute kal tura tih an nih angin kal an \hahnem hle.
• Gas ru: Ni 18.7.2013 zing khan Pu V. Thangzama, Bial 2-nate Gas bur chu zing \awng\ai inkhawm laiin misualin an Gas bur an ruk sak. Tin, kar hmasa nilaini (10.7.2013) pawh khan Pu Lalnawta, Bial 2-nate Gas bur pawh an tala karchhiain an lo ruksak tawh bawk.
• YMA Zaipawl : July ni 17 & 18 Zan te khan YMA Hall ah hla an zir.
• Kawng siam : Bial 1-na huam chhunga pa \hahnemngai \henkhatte chuan MUP Building leh Presbyterian Pastor Quarters kawmchhak inkar kawng kual lai chhe lutuk chu a siam \hat nan tiin helai kawng hmang\hintu, Motor/Two Whellers neitute hnenah pawisa khawnin kawng siam\hatna tur hmanrua te an lei a, nimin (20.7.2013) khan kawng siam hian an hnatlang a ni.
• BA/Bsc pass thar: Christy Lallawmzuali d/o Pu H. Lalfakzuala, chuan ICFAI Univ. a\angin Bsc. 1st Division-ah a pass. Tin, PC Lalhlimpuia s/o Pu PC Lalmalsawma, pawhin Aizawl North College a\angin BA \ha takin a pass bawk.