ZORAM PUM HUAPA INTIHSIAKNA A TEL TURIN INBUATSAIHNA NEIH MEK A NI

    Kan hma lawkah hian Zoram pum huapa YMA Branch hrang hrang Zaipawl intihsiakna leh Hnam l^ma intihsiakna a awm dawn a, he intihsiakna chi hniha tel ve ve tur hian Dawrpui Vengthar Branch YMA pawh a inbuatsaih mek a.

ZAIPAWL:  Pu Rokunga (L) kum 100 tlin puala Central YMA -in Branch YMA-te zaipawl intihsiakna August thla a a buatsaih tur atan kan Branch YMA zaipawlte pawh ngawrh takin an inbuatsaih mek. An Conductor, Tv. Lalfakawma hovin kartin, inkhawm ban leh hunawl remchang apiangah hla an zir thin a ni.  Pu Rokunga hlate hmanga intihsiak tur a ni a, “Ka pianna Zoram nuam”, “Tlawmngaihna hlu”, “Lei mite hun bi” tih leh “Lei mawina thinlai tihlimtu” tih hlate hi kan Branch Zaipawlte hian an sa dawn a ni.  Kum 2000-ah Pu Rokunga hlate hmanga intihsiaknaah pakhatna kan lo hauh tawh a, hemi tum hian kan Branch Conductor Pu PB Lianzama chu Best Conductor atan thlan a ni bawk. Hemi hma kum 1995 pawh khan lawmman pakhatna kan lo la tawh bawk a ni. Central YMA in Branch hrang hrang zaipawl intihsiakna a buatsaih hnuhnung ber, kum 2008 pawh khan pathumna dinhmun kan lo hauh tawh bawk a ni. Kan Branch Zaipawl memberte hian Zoram dung leh vangah kan veng hming an pholangin, veng hming timawitu an ni fo tawh \hin a. Tun \umah pawh hian beiseina sang tak nen vengchhung mipuite'n kan thlir reng a, an inbuatsaihna kawngah pawh nasa zawka bei hram hram turin member ten kan beisei a ni.

CULTURAL: Chief Minister’s Running Trophy - CYMA Cultural Dance Competition hi vawi 10 zet neih a ni tawh a, kum khat dan zelah neih \hin a ni. YMA Branch hrang hrang te’n Cultural Dance hmangin inelna neiH \hin a ni. Kumin hi a vawi 11-na tur a ni a. He inelna hi an buatsaih tirh a\angin Dawrpui Vengthar Branch YMA pawh hi kan lo tel ve tawh \hin a, hman kum deuh phei kha chuan Cheraw ah Pathumna dinhmun kan lo hauh ve tawh nghe nghe a ni.
    Kumin hian he Intihsiakna hi September thla tir lamah neih tur niin Cheraw (Kantluang), Chai leh Khuallam ah te Intihsiakna hi neih tur a ni a. Keini Branch hian Cheraw hi chu kan thiam sa mai a, chutih lai chuan Intihsiakna a lawmman la tak tak tur erawh chuan thuam \hat leh chei mawi ngai tamtak ala awmin a rinawm. Chai leh Khuallam erawh hi chu tunhnaiah mumal taka zir ala ni lova, beih ngawrh ve viau chu a ngai ang.
    Thla hnih lai hun la awmin inbuatsaih nan pawh hun la tam nia a lan lai hian zir ngai ala tam dan te ngaihtuah chuan hun hi a tam tawk tawh lo zawk mah niin a lang a, Cultural lama hruaitute pawhin \anlak a ngaih dan te hre rengin tunkar Thawhlehni (9.7.2013) zan a\ang hian lam zir \an nghal an tum a, ruahmanna an siam dan phei chuan kartin Thawhleh, Ninga leh Zirtawp zanah te zir ziah an tum a ni.
    Zaipawl leh lam memberte hi indaih lo leh buai tak tak an ni hlawm a, zirlai leh hnathawk te an ni deuh fur mai a,  chuti chunga hetianga khawtlang thila an inhmang thei hi an fakawm a, an dinhmun te pawh kan hriatthiam a tha awm e.  Nu leh pa te pawhin kan fate hetianga tel tlaka Branch YMA in a ngai hi lawmna lamah ngai zawk ila, i phur pui zel ang u.